ଜବତ ହେଲା ୧୪୫ସିଫ୍ଟ କାଠ, ଡ୍ରାଇଭର ଗିରଫ !
ବନ ବିଭାଗକୁ ବଡ ସଫଳତା , କାଠ ଚୋରା ଚାଲାଣ ବେଳେ ମାଡିବସିଲା ପୋଲିସ । ଯାଜପୁର ରୋଡ ବନ ବିଭାଗ ଓ ପୋଲିସ ପକ୍ଷରୁ ଝୁମ୍ପୁରୀ ଛକରେ ଚଢ଼ାଉ କରାଯାଇଥିବା ଦେଖିବାକୁ ମିଳିଛି । ଚଢାଉ ବେଳେ 145 ସିପ୍ଟ କାଠ ସହ ଏକ ମିନିଟ୍ରକ ଜବତ କରିବା ସହ ଜଣଙ୍କୁ ଗିରଫ କରିଛି ପୋଲିସ l ସୂଚନା ଅନୁସାରେ କଟକ ବନଖଣ୍ଡ ଅଧିକାରୀ ଅଜିତ କୁମାର ଶତପଥିଙ୍କ ନିର୍ଦ୍ଧେଶ କ୍ରମେ ଯାଜପୁର ରୋଡ ବନ ବିଭାଗ ରେଞ୍ଜର ଜ୍ୟୋତି ରଞ୍ଜନ ମହାପାତ୍ର ଓ ଦଶରଥପୁର ଥାନା ଅଧିକାରୀ ଝୁମ୍ପୁରୀ ଛକରେ ଚଢ଼ାଉ କରିଥିଲେ l
ଏହି ସମୟରେ ଧାମନଗର ଅଞ୍ଚଳ ସେକ ସିଠାନୀ ନାମକ ଏକ ମିନିଟ୍ରକରେ କାଠ ଚାଲାଣ ହେଉଥିବା ଦେଖି ବନ ବିଭାଗ ଓ ପୋଲିସ କର୍ମଚାରୀ ଗାଡିକୁ ଅଟକାଇ ଥିଲେ l ବନ ବିଭାଗ କର୍ମଚାରୀଙ୍କ ଚଢ଼ାଉକୁ ଦେଖି ଘଟଣାସ୍ଥଳରୁ ବେପାରୀ ଫେରାର ହୋଇଯାଇଥିବା ବେଳେ ଡ୍ରାଇଭରକୁ କାବୁ କରିଛି ବନ ବିଭାଗ । ବନ ବିଭାଗ ରେଞ୍ଜର ଶ୍ରୀ ମହାପାତ୍ର କାଠ ଗାଡିକୁ ଜବତ କରିଵା ପରେ ଡ୍ରାଇଭରକୁ ଗିରଫ କରି ଯାଜପୁର ରୋଡ କାର୍ଯ୍ୟାଳୟକୁ ଆଣିଥିବା ସୂଚନା ମିଳିଛି l ସେପଟେ କାଠ ଜବତ ପରେ ବନ ବିଭାଗ ପକ୍ଷରୁ କେଶ ନମ୍ବର 49/23-24ରେ ଏକ ମାମଲା ରୁଜୁ କରାଯାଇଛି l ତେବେ ଏହି ଚଢ଼ାଉରେ ଯାଜପୁର ଟାଉନର ବନ କର୍ମଚାରୀ ମଧ୍ୟ ସାମିଲ ଥିଲେ ।
