ତୁଟିନି ବିବାଦ, କରିବେ ଅଭିନୟ !
ବହୁ ଚର୍ଚ୍ଚିତ ସୀମା ହୈଦର। ଏବେ ସିନେମାରେ ନଜର ଆସିବାକୁ ଯାଉଛନ୍ତି । ବିଦେଶୀ ମହିଳା ଜଣଙ୍କ ସୀମା ଡେଇଁ ଭରତ ଆସିବା ପରେ ବହୁ ବାଦ ବିବାଦ ମଧ୍ୟରେ ଗତି କରୁଥିବା ବେଳେ ଏବେବି ତୁଟିନି ଅଡୁଆ । ଏବେ କିନ୍ତୁ ସୀମାଙ୍କ ପାଇଁ ଖୁସି ଖବର କାହିଁକି ନା ସେ ଏବେ ବଲିଉଡରେ ନଜର ଆସିବେ । ଏଭଳି ଖବର ସାମ୍ନାକୁ ଆସିବା ପରେ ଏହାକୁ ନେଇ ସଭିଙ୍କ ଉତ୍କଣ୍ଠା ବଢିଛି । ତେବେ ସିନେମାରେ RAW ଏଜେଣ୍ଟ ଭୂମିକାରେ ନଜର ଆସିବେ ସୀମା ହୈଦର। ଆଗାମୀ ଚଳଚ୍ଚିତ୍ର ‘ଏ ଟେଲର୍ ମର୍ଡର ଷ୍ଟୋରୀ’ ପାଇଁ ତାଙ୍କ ଅଡ଼ିସନ୍ ନିଆଯାଇଛି।
ଜାନି ଫାୟାରଫକ୍ସ ପ୍ରଡକ୍ସନ୍ ହାଉସ୍ ଦିଲ୍ଲୀ ଗ୍ରେଟର ନୋଏଡାରେ ସୀମା ହୈଦରଙ୍କୁ ଭେଟିଛି। ତେବେ ଏହି ପ୍ରଡକ୍ସନ୍ ହାଉସ୍ ଦିଲ୍ଲୀ ଗ୍ରେଟର ନୋଏଡ଼ାରେ ସୀମା ହୈଦରଙ୍କୁ ଭେଟିଛି। ଆଗାମୀ ଚଳଚ୍ଚିତ୍ର ‘ଏ ଟେଲର୍ ମର୍ଡର ଷ୍ଟୋରୀ’ ପାଇଁ ତାଙ୍କ ଅଡ଼ିସନ୍ ନିଆଯାଇଛି। ଉଦୟପୁର ଟେଲର କହ୍ନେୟା ଲାଲଙ୍କୁ ଇସଲାମିକ୍ କଟ୍ଟରପନ୍ଥୀ କରିଥିବା ହତ୍ୟା ମାମଲା ଉପରେ ଆଧାର କରି ଏହି ଚଳଚ୍ଚିତ୍ର ନିର୍ମାଣ କରାଯାଉଛି। ଏଥିରେ ସୀମା ଜଣେ RAWର ଏଜେଣ୍ଟ ଭାବେ ଅଭିନୟ କରିବେ।
ଚଳଚ୍ଚିତ୍ରର ନିର୍ଦ୍ଦେଶକ ଜୟନ୍ତ ସିହ୍ନା ଏବଂ ଭାରତ ସିଂହ ଏନେଇ ସୀମାଙ୍କ ସ୍ୱାମୀ ସଚିନଙ୍କୁ ମଧ୍ୟ ଭେଟିଥିବା ସୂଚନା ରହିଛି । ଅନଲାଇନ୍ ଗେମ୍ PUBG ମାଧ୍ୟମରେ ପାକିସ୍ତାନର ସୀମା ଉତ୍ତର ପ୍ରଦେଶର ସଚିନଙ୍କ ପ୍ରେମରେ ପଡ଼ିଥିବା ବେଳେ ତାଙ୍କ ପାଇଁ ସୀମା ଡେଇଁ ଭାରତକୁ ଚାଲି ଆସିଥିଲେ ଆଉ ଏବେ କରିବେ ସିନେମାରେ ଅଭିନୟ । ଯାହାକୁ ନେଇ ଏବେ ସବୁଆଡେ ଚର୍ଚ୍ଚା ଜୋରଧରିଛି ।
