ତୃତୀୟ ଥର ପାଇଁ ବଢିଲା କ୍ୟାବିନେଟ ସଚିବଙ୍କ କାର୍ଯ୍ୟକାଳ
ପୁଣି ଥରେ ବଢିଲା କ୍ୟାବିନେଟ ସଚିବଙ୍କ କାର୍ଯ୍ୟକାଳ । କେନ୍ଦ୍ର ସରକାର ଆଜି ରାଜୀବ ଗୌବାଙ୍କ କାର୍ଯ୍ୟକାଳକୁ ପୁଣି ବୃଦ୍ଧି କରିଛନ୍ତି । ଏହାକୁ ମିଶାଇ ରାଜୀବଙ୍କ କାର୍ଯ୍ୟକାଳ ତୃତୀୟଥର ପାଇଁ ବୃଦ୍ଧି କରାଯାଇଛି। କେନ୍ଦ୍ର ତାଙ୍କ କାର୍ଯ୍ୟକାଳକୁ ଆଉ ଗୋଟିଏ ବର୍ଷ ଯାଏ ବୃଦ୍ଧି କରିଛି । ବିଭାଗ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି ଯେ କ୍ୟାବିନେନଟର ନିଯୁକ୍ତି କମିଟି(ଏସିସି) ଆଇଏସ୍ ରାଜୀବ ଗୌବାଙ୍କ କାର୍ଯ୍ୟକାଳ ବୃଦ୍ଧି କରିବାକୁ ଅନୁମତି ଦେଇଛି। କ୍ୟାବିନେଟ ସଚିନ ଭାବେ ତାଙ୍କ କାର୍ଯ୍ୟକାଳ ୨୦୨୩ ଅଗଷ୍ଟ ୩୦ରେ ସରିବାର ଥିଲା। କିନ୍ତୁ ସେ ଆଉ ଗୋଟିଏ ବର୍ଷ ଯାଏ କାର୍ଯ୍ୟ କରିବେ। ଏଆଇଏସ(ଡିସିଆରବି) ରୁଲ ୧୯୫୮ ଓ ମୌଳିକ ନିମୟର ରୁଲ(୫୬ଡି)କୁ କୋହଳ କରାଯାଇ ଏସିସି ଏପରି ନିଷ୍ପତ୍ତି ନିଆଯାଇଛି। ୧୯୮୨ ବ୍ୟାଚ୍ର ଆଇଏଏସ୍ ଅଫିସର ରାଜୀବ ଗୌବାଙ୍କ କାର୍ଯ୍ୟକାଳ ଏହାକୁ ମିଶାଇ କେନ୍ଦ୍ର ସରକାର ତୃତୀୟ ଥର ବୃଦ୍ଧି କରିଛନ୍ତି। ୨୦୧୯ରେ ପ୍ରଥମଥର ରାଜୀବଙ୍କୁ ଦୁଇ ବର୍ଷ ପାଇଁ କ୍ୟାବିନେଟ ସଚିବ ଭାବେ ନିଯୁକ୍ତି ମିଳିଥିଲା। ୨୦୨୧ରେ ପ୍ରଥମଥର ତାଙ୍କ କାର୍ଯ୍ୟକାଳକୁ ବୃଦ୍ଧି କରାଯାଇଥିଲା। ଏହାପରେ ଆଉ ଦୁଇ ଥର କେନ୍ଦ୍ର ସରକାର ସମାନ ପଦକ୍ଷେପ ନେଇଛନ୍ତି।
