ଆଜି ଦିନିକିଆ ସିରିଜର ଶେଷ ମ୍ୟାଚ୍
ଆଜି ଭାରତ- ଓ୍ବେଷ୍ଟଇଣ୍ଡିଜ ମଧ୍ୟରେ ଦିନିକିଆ ସିରିଜର ଶେଷ ମ୍ୟାଚ୍ । ଏହି ମ୍ଯାଚ ଉଭୟ ଦଳ ପାଇଁ କରିଛି କର ବା ମର ସ୍ଥିତି । ତେବେ ୩ଟିକିଆ ସିରିଜର ପ୍ରଥମ ମ୍ୟାଚରେ ଭାରତର ଦମଦାର ବିଜୟ ହୋଇଥିବାବେଳେ ଦ୍ବିତୀୟ ଦିନିକିଆରେ ସହଜ ବିଜୟ ହାସଲ କରିଥିଲା ଓ୍ବେଷ୍ଟଇଣ୍ଡିଜ୍ । ଭାରତୀୟ ବ୍ୟାଟ୍ସମ୍ୟାନଙ୍କ ଦୁର୍ବଳ ପ୍ରଦର୍ଶନ ପାଇଁ ୧-୧ରେ ସିରିଜ ବରାବର କରିଥିଲା ଓ୍ବେଷ୍ଟଇଣ୍ଡିଜ । ସେପଟେ ଆଜି ମ୍ୟାଚକୁ ଜିତି ସିରିଜ ହାତେଇବା ଲକ୍ଷ୍ୟରେ ଟିମ୍ ଇଣ୍ଡିଆ ଥିବା ବେଳେ ମ୍ୟାଚ୍ ଜିତି ସିରିଜ ବିଜୟୀ ହେବାକୁ ପ୍ରସ୍ତୁତି କରିଛି ଓ୍ବେଷ୍ଟଇଣ୍ଡିଜ । ଆଜି ମ୍ଯାଚ ପରେ ନିର୍ଣ୍ଣୟ ହେବ କାହା ପାଖରେ କେତେ ଦମ।
ତେବେ ଆଜିର ମ୍ଯାଚକୁ ଉତ୍କଣ୍ଠାର ସହ ଚାହିଁ ରହିଛନ୍ତି କ୍ରିଡା ପ୍ରେମୀ । ଆଜିର ମ୍ୟାଚରେ ଟିମ ଇଣ୍ଡିଆ ପାଇଁ ପ୍ଲସ ପଏଣ୍ଟ ରହିପାରେ ବ୍ୟାଟିଂ । ଯଦି ପୂର୍ବ ମ୍ୟାଚ ପରି ବ୍ୟାଟିଂରେ ନୈରାଶ୍ୟଜନକ ପ୍ରଦର୍ଶନ ହୁଏ ତେବେ ସିରିଜକୁ ହାତେଇ ନେଇପାରେ ଓ୍ବେଷ୍ଟଇଣ୍ଡିଜ । ତେଣୁ ଟିମ ଇଣ୍ଡିଆକୁ ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରିବାକୁ ପଡିବ ବୋଲି କ୍ରିଡା ସମୀକ୍ଷକ ମାନେ ମତ ଦେଇଛନ୍ତି ।
