ଜଘନ୍ୟ ବିଭଶ୍ଚ ଅମାନୁଷିକତାର ଆଉ ଏକ ନୂଆ ଅଧ୍ୟାୟ । ସମ୍ପର୍କରେ ଲାଗିଲା ରକ୍ତ ଛିଟା । ଭାଇକୁ ମାରିବାକୁ ପଛାଇଲା ନାହିଁ। ଭାଇର ଶାବଳ ମାଡ଼ ରେ ଭାଇର ମୃତ୍ୟୁ । ଏଭଳି କରୁଣ ପରିଣତି ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ପାଟପୁର ଥାନା ଖଲିଙ୍ଗୀ ପଂଚାୟତର ବାସୁଦେବପୁର ଗାଁରେ। ସୂଚନା ଅନୁସାରେ ଜମି ଜମା ବିବାଦ କୁ ନେଇ ବଡ଼ ବାପା ପୁଅ ଏବଂ ଦାଦା ପୁଅ ଭାଇ ମାନଙ୍କ ସହ ହୋଇଥିଲା ଝଗଡା । ଆଉ ଏହି ଝଗଡା ନେଇଥିଲା ଉଗ୍ରରୂପ ।
ଏହାପର ଦେଖିବାକୁ ମିଳିଥିଲା ପାରିବାରିକ କଳହ ରୁ କରୁଣ ପରିଣତି ତେବେ ବଡ଼ ବାପାଙ୍କ ପୁଅର ଶାବଳ ମାଡ଼ ପଡିଥିଲା ଦାଦା କଂସ ପ୍ରଧାନଙ୍କ ପୁଅ କୁଲୁ ପ୍ରଧାନ ଙ୍କ ମୁଣ୍ଡରେ । ଆଉ ଘଟଣା ସ୍ଥଳରେ ହିଁ ଟଳି ପଡିଥିଲେ କୁଲୁ । ସଂଗେ ସଂଗେ ନିକଟସ୍ତ ଆଡ଼ପଡା ମେଡିକାଲକୁ ସ୍ଥାନାନ୍ତର କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚିଥିଲା ପାଟପୁର ପୋଲିସ ଟିମ ଆଉ ଆରମ୍ଭ କରିଥିଲା ତଦନ୍ତ । ଶବ ବ୍ୟବଚ୍ଛେଦ ପାଇଁ ବ୍ରହ୍ମପୁର ମେଡିକାଲକୁ ପଠାଯାଇ ଏକ ମାମଲା ରୁଜ୍ଜୁ କରିଥିବା ଦେଖିବାକୁ ମିଳିଛି।
