ଉତ୍ତରାଖଣ୍ଡରେ ହିମସ୍ଖଳନ, ଫସିଛନ୍ତି ୪୭ ଶ୍ରମିକ
ଉତ୍ତରାଖଣ୍ଡ ଚାମୋଲିରେ ଘଟିଛି ବଡ଼ ଦୁର୍ଘଟଣା । ହିମସ୍ଖଳନ କାରଣରୁ ବଡ ଅଘଟଣ ଘଟିଛି । ମାଣା ଗାଁ ଗ୍ଲେସିୟର ତରଳିବା ଦ୍ୱାରା ୪୭ ଜଣ ଶ୍ରମିକ ବରଫ ତଳେ ପୋତି ହୋଇଯାଇଛନ୍ତି । ଏଥିସହ ବ୍ୟାପକ କ୍ଷୟକ୍ଷତି ମଧ୍ୟ ହୋଇଛି । ବରଫ ତଳେ ୫୭ ଶ୍ରମିକ ଦବି ଯାଇଥିବା ବେଳେ ୧୦ ଜଣଙ୍କ ଉଦ୍ଧାର କରାଯାଇଛି । ଉଦ୍ଧାର କାର୍ଯ୍ୟ ଜାରି ରହିଛି। ବଦ୍ରିନାଥ ଧାମଠାରୁ ୩ କିଲୋମିଟର ଆଗକୁ ଏହି ଘଟଣା ଘଟିଛି। ରାଜ୍ୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (SDRF), ଜାତୀୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (NDRF), ଜିଲା ପ୍ରଶାସନ, ଇଣ୍ଡୋ-ତିବ୍ଦତୀୟ ସୀମା ପୋଲିସ (ITBP) ଏବଂ ସୀମା ସଡ଼କ ସଂଗଠନ (BRO) ଦଳ ଘଟଣାସ୍ଥଳରେ ଅଛନ୍ତି। ଭାରତ ପାଣିପାଗ ବିଭାଗ (IMD) ଉତ୍ତରାଖଣ୍ଡ ସମେତ ଅନେକ ପାହାଡ଼ିଆ ଅଞ୍ଚଳ ପାଇଁ ଏକ ଅରେଞ୍ଜ ଆଲର୍ଟ ଜାରି କରିଛି। ଶୁକ୍ରବାର ବିଳମ୍ବିତ ରାତି ପର୍ଯ୍ୟନ୍ତ ପ୍ରବଳ ବର୍ଷା (୨୦ ସେମି ପର୍ଯ୍ୟନ୍ତ) ପୂର୍ବାନୁମାନ କରିଛି। IMD ସ୍ଥାନୀୟ ବନ୍ୟା, ନିମ୍ନ ଅଞ୍ଚଳରେ ଜଳବନ୍ଦୀ ଏବଂ ମୁଖ୍ୟତଃ ସହରାଞ୍ଚଳରେ ଅଣ୍ଡରପାସ୍ ବନ୍ଦ ହେବା ଭଳି ପ୍ରବଳ ବର୍ଷାର ପୂର୍ବାନୁମାନ କରିଛି। ପ୍ରବଳ ବର୍ଷା ଯୋଗୁଁ ଦୃଶ୍ୟମାନତାରେ ବେଳେବେଳେ ହ୍ରାସ, ଟ୍ରାଫିକ୍ ବାଧା ଯୋଗୁଁ ଯାତ୍ରା ସମୟ ବୃଦ୍ଧି ଏବଂ କଚ୍ଚା ରାସ୍ତାର ସାମାନ୍ୟ କ୍ଷତି ହେବାର ଆଶଙ୍କା କରାଯାଉଛି। ତେବେ ଘଟଣା ନେଇ ଟ୍ବିଟ୍ କରିଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ । ଘଟଣାରେ ଦୁଃଖ ପ୍ରକାଶ ସହ କହିଛନ୍ତି, ୧୬ ଜଣଙ୍କୁ ଉଦ୍ଧାର କରାଯାଇଛି, ସମସ୍ତଙ୍କୁ ଉଦ୍ଧାର ପାଇଁ ଉଦ୍ୟମ ଚାଲିଛି ।
