ଅମାନୁଷିକ ମଣିଷର ଉନ୍ମତ୍ତ କାଣ୍ଡ । ହାତୀକୁ ଫୋପାଡୁଛି ନିଆଁ ହୁଳା। ମଣିଷ ଯେ ଏତେ ତଳସ୍ତରକୁ ଯାଇପାରେ ତାହା ଭାବିବା ବି ସମ୍ଭବ ନୁହେଁ। ଜଙ୍ଗଲର ନିରୀହ ପ୍ରାଣୀ ହାତୀ। ଯେତେବଳେ ମଣିଷ ତାର ଘର ଉଜାଡି ଦେଉଛି, ଜଙ୍ଗଲ ନଷ୍ଟ କରିଦେଉଛି, ସେତେବେଳେ ବାଧ୍ୟ ହୋଇ ଖାଦ୍ୟ ଅନ୍ୱେଷଣ ପାଇଁ ଜନବସତି ମୁହାଁ ହେଉଛନ୍ତି ଏହି ହାତୀ। ସେତେବେଳେ ଏଇ ମଣିଷ ପାଲଟି ଯାଉଛି ସୈତାନ୍। ନିରୀହ ଜୀବଙ୍କୁ ମାରିବାକୁ ବି ପଛାଉନାହିଁ। ଆଜି ଏମିତି ଏକ ଖବର ଦେଖାଇବୁ ଯାହା ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ଆପଣଙ୍କ ମନରେ ଘୃଣା ଭାବ ସୃଷ୍ଟି ହେବ, ଆପଣ ବି କହିବେ ସତରେ ଏ ମଣିଷ ଏତେ ହିଂସ୍ର?
ତେବେ ଏକ ଭିଡ଼ିଓ ଏବେ ମୋବାଇଲରୁ ମୋବାଇଲ ଘୁରି ବୁଲୁଛି। ଯେଉଁ ଭିଡ଼ିଓରେ ହାତୀଟିକୁ ଘଉଡ଼ାଇବାକୁ ମଣିଷ ପଲଟିଯାଇଛି ହିଂସ୍ର। ନିଆଁ ହୁଳା କରି ହାତୀ ଉପରକୁ ମାଡ଼ କରୁଛି। ଆଉ ହାତୀଟି ନିଜ ଜୀବନକୁ ବଞ୍ଚାଇବା ଲୋଭରେ ପ୍ରାଣ ବିକଳେ ଦୌଡୁଛି। ତେବେ ଏ ଭିଡିଓ କେବେକାର, କୋଉଁଠିକାର ସଠିକ୍ ଭାବରେ ଜଣା ପଡ଼ିନାହିଁ । କିନ୍ତୁ କିଛି ଗଣମାଧ୍ୟମର ସୂଚନା ଅନୁଯାୟୀ ଏହି ଭିଡ଼ିଓ କରଞ୍ଜିଆର ବୋଲି କୁହାଯାଉଛି । କିନ୍ତୁ ଏହା କରଞ୍ଜିଆର କି ନୁହେଁ ଏଯାଏଁ ସ୍ପଷ୍ଟ ହୋଇନଥିବା ବେଳେ ଘଟଣାର ତଦନ୍ତ ଚାଲିଥିବା କହିଛନ୍ତି ଡିଏଫଓ ।
ଯଦି କରଞ୍ଜିଆ ଅଞ୍ଚଳର ଭିଡିଓ ହୋଇଥାଏ ତେବେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ସୂଚନା ଦେଇଛନ୍ତି । କିନ୍ତୁ ଏଠି ଗୋଟେ ପ୍ରଶ୍ନ ଉଠେ କାହିଁକି ଏତେ କ୍ରୁର ସାଜୁଛି ମଣିଷ। ହାତୀ ଆମ ପାଇଁ ଏକ ଅମୂଲ୍ୟ ସମ୍ପଦ ସେମାନଙ୍କୁ ସୁରକ୍ଷା ଦେବା ଆମ କର୍ତ୍ତବ୍ୟ ମଧ୍ୟ। ତେଣୁ ସେମାନଙ୍କ କୌଣସି କ୍ଷତି ପୁରା ସମାଜ ପାଇଁ ବିପଦ ହୋଇପାରେ।
