ହେଲିକପ୍ଟର ଦୁର୍ଘଟଣା, ୩ ମୃତ୍ୟୁ
ଗୁଜରାଟ ପୋରବନ୍ଦର ଏୟାରପୋର୍ଟରେ ବଡ଼ ଦୁର୍ଘଟଣା । କୋଷ୍ଟଗାର୍ଡ ହେଲିକପ୍ଟର ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି। ତଟରକ୍ଷୀ ବାହିନୀର ଚପ୍ପର ଏଏଲଏଚ ଧୃବ କ୍ରାସ ପରେ ଜଳିଯାଇଛି। ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ଉଦ୍ଧାର କାର୍ୟ୍ୟ ଜାରି ରହିଛି। ଦୁର୍ଘଟଣାର କାରଣ ଅସ୍ପଷ୍ଟ ରହିଛି। ପୋରବନ୍ଦର ବିମାନ ବନ୍ଦରର ଏୟାର ଏନକ୍ଲେଭ ନିକଟରେ ଏହି ଦୁର୍ଘଟଣା ଘଟିଛି। ଗତ ଦୁଇ ମାସ ମଧ୍ୟରେ ଦ୍ୱିତୀୟ ଥର କୋଷ୍ଟଗାର୍ଡ ଚପ୍ପର କ୍ରାସ ଘଟଣା ଘଟିଛି। ଏଏଲଏଚ-ଧୃବକୁ ସାମରିକ ବାହିନୀ ଦ୍ୱାରା ପରିଚାଳିତ କରାଯାଇଥାଏ। ଦୁର୍ଘଟଣା ପରେ ଏହା ଏକ ଖୋଲା ପଡିଆରେ ଜଳିଯାଇଥିବା ଦେଖାଯାଇଥିଲା। ଏହି ହେଲିକପ୍ଟର ରୁଟିନ ଉଡାଣ ବେଳେ ଅଘଟଣ ଘଟିଥିଲା। ତେବେ କିପରି ହେଲା ଦୁର୍ଘଟଣା ତଦନ୍ତ ଜାରି ରହିଛି ।
