ନିଗମାନନ୍ଦ ସମ୍ମିଳନୀରେ ଅଘଟଣ, ଦୁଇ ଭକ୍ତଙ୍କ ମୃତ୍ୟୁ
ପୁରୀ ନିଗମାନନ୍ଦ ସମ୍ମିଳନୀରେ ବଡ଼ ଅଘଟଣ। ସମ୍ମିଳନୀ ଚାଲିଥିବା ବେଳେ ହଠାତ୍ ଦୁଇ ଭକ୍ତଙ୍କର ସ୍ୱାସ୍ଥ୍ୟବସ୍ଥା ଖରାପ ହୋଇଥିଲା। ସେମାନଙ୍କୁ ପୁରୀ ମୁଖ୍ୟ ଚିକିତ୍ସାଳୟ ଭର୍ତ୍ତି କରାଯାଇଥିଲା । ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ମୃତକ ଦୁଇଜଣ ପୁରୁଷ ବୋଲି ଜଣାପଡିଛି । ଜଣେ କିଛି ଖାଇନଥିଲେ ଓ ତାଙ୍କର ଛାତିରେ ଯନ୍ତ୍ରଣା ହୋଇଥିଲା । ଅନ୍ୟଜଣକ ଛାତିରେ ଷ୍ଟେଂଟ ଲାଗିଥିଲା। ପ୍ରାଥମିକ ତଦନ୍ତରୁ ଉଭୟ ହୃଦଘାତର ଶିକାର ହୋଇଥିବାର ଜଣାପଡିଛି । ଆଜି ସମ୍ମିଳନୀରେ ପ୍ରବଳ ଭକ୍ତଙ୍କ ସମାଗମ ହୋଇଥିଲା । ଏଥିରେ କିଛି ଭକ୍ତ ଅଣନିଶ୍ବାସୀ ହୋଇପଡିଥିଲେ । ପୁରୀ ବାଲିଗୁଆଳିରେ ନିଗମାନନ୍ଦଙ୍କ ଦୁଇଦିନିଆ ସମ୍ମିଳନୀ ଆରମ୍ଭ ହୋଇଛି । ଏଥିରେ ସାମିଲ ହେବାକୁ ହଜାର ହଜାର ଲୋକ ପୁରୀ ଆସିଛନ୍ତି । ପ୍ରାୟ ୧୫ରୁ ୨୦ ହଜାର ଲୋକଙ୍କ ସମାଗମ ହୋଇଛି । ଏହାପୂର୍ବରୁ ଫେବୃଆରୀ ୨୩. ୧୯୯୭ ମସିହାରେ ବାରିପଦାରେ ନିଗମାନନ୍ଦ ସମ୍ମିଳନୀ ଚାଲିଥିବାବେଳେ ଦଳଚକଟାରେ ଶତାଧିକ ଲୋକ ପ୍ରାଣ ହରାଇଥିଲେ ।
