୩ ଦିନିଆ ରିମାଣ୍ଡରେ ୩ ଅଭିଯୁକ୍ତ
ଟେଣ୍ଡର ଫିକ୍ସିଂ ଓ ଟଙ୍କା ହେରଫେର ମାମଲା। ଯାଞ୍ଚ ପରେ ୩ ଜଣଙ୍କୁ ବାନ୍ଧିଲା ତଦନ୍ତକାରୀ ଏଜେନ୍ସି। ତିନି ଦିନିଆ ରିମାଣ୍ଡ ନେଇ ଅଧିକ ତନାଘନା କରିବ ସିବିଆଇ। ଅନୁମତି ଦେଲେ ସ୍ପେଶାଲ ସିବିଆଇ ଜଜ। ଓଡ଼ିଶା, ପଶ୍ଚିମବଙ୍ଗ ସମେତ ୮ ସ୍ଥାନରେ ଚଢାଉ କରି ତଦନ୍ତ ଚଳାଇଛି ସିବିଆଇ ଟିମ୍। ମାରାଥନ ରେଡ୍ ପରେ ବ୍ରିଜ ଆଣ୍ଡ ରୁଫର ଗ୍ରୁପ ଜେନେରାଲ ମ୍ୟାନେଜର ଅଭିଯୁକ୍ତ ଚଞ୍ଚଲ ମୁଖାର୍ଜୀ, କଣ୍ଟ୍ରାକ୍ଟର ସନ୍ତୋଷ ମହାରଣା ଓ ସୁପର କ୍ଲାସ କଣ୍ଟ୍ରାକ୍ଟର ଦେବଦତ୍ତ ମହାପାତ୍ରଙ୍କୁ ଗିରଫ କରିଛି ସିବିଆଇ। ୩ ଜଣଙ୍କୁ ସିବିଆଇ ସ୍ପେଶାଲ କୋର୍ଟରେ ହାଜର ପରେ ତିନି ଦିନ ରିମାଣ୍ଡରେ ନେବାକୁ ଅନୁମତି ଦେଇଛନ୍ତି ସ୍ବତନ୍ତ୍ର ସିବିଆଇ କୋର୍ଟ।
