୧୯ କେଜି ସିଲିଣ୍ଡର ଦରରେ ୧୬ ଟଙ୍କା ୫୦ ପଇସା ବୃଦ୍ଧି

ବଢିଲା କମର୍ସିଆଲ ଏଲପିଜି ଗ୍ୟାସ ଦର

ଦେଶରେ ବଢିଲା କମର୍ସିଆଲ ଏଲପିଜି ଗ୍ୟାସ ଦର। ୧୯ କେଜି ସିଲିଣ୍ଡର ଦରରେ ୧୬ ଟଙ୍କା ୫୦ ପଇସା ବୃଦ୍ଧି। ତୈଳ କମ୍ପାନୀ ଗୁଡିକ ଏଲପିଜି ସିଲିଣ୍ଡର ଦାମରେ ବୃଦ୍ଧି କରିଛନ୍ତି । ବିଭିନ୍ନ ସହରରେ କମ୍ପାନୀ ଗୁଡିକ ସଂଶୋଧିତ ଦାମ ଜାରି କରିସାରିଛନ୍ତି । ଫଳରେ ୧୯ କେଜି କମର୍ସିଆଲ ଗ୍ୟାସ ସିଲିଣ୍ଡରର ଦାମ ୧୮ ଟଙ୍କା ବୃଦ୍ଧି ପାଇଛି । ଏହା ପୂର୍ବରୁ ନଭେମ୍ବର ପହିଲାରୁ ବି ଗ୍ୟାସ ସିଲିଣ୍ଡରର ଦାମ ବୃଦ୍ଧି ପାଇଥିଲା । ହେଲେ ୧୪ କେଜି ଘରୋଇ ଗ୍ୟାସ ସିଲିଣ୍ଡରର ଦାମରେ କୌଣସି ପରିବର୍ତ୍ତନ ହୋଇନାହିଁ । ଏଲପିଜି ସିଲିଣ୍ଡରରେ ଡିସେମ୍ବର ୧ରେ ହୋଇଥିବା ପରିବର୍ତ୍ତନ ଅନୁସାରେ ଦିଲ୍ଲୀରୁ ନେଇ ମୁମ୍ବାଇ, କୋଲକାତାରୁ ଚେନ୍ନାଇ ଯାଏଁ ୧୦ କିଲୋ ସିଲିଣ୍ଡରର ଦାମରେ ପରିବର୍ତ୍ତନ ହୋଇଛି । ୧ ଡିସେମ୍ବରରେ ଦେଶର ରାଜଧାନୀ ଦିଲ୍ଲୀରେ ୧୯ କେଜି ଏଲପିଜି ସିଲିଣ୍ଡରର ଦାମ ୧ ହଜାର ୮୧୮ ଟଙ୍କା ୫୦ ପଇସା ହୋଇଛି । ଏହା ପୂର୍ବରୁ ୧୮୦୨ ଟଙ୍କାରେ କମର୍ସିଆଲ ଗ୍ୟାସ ସିଲିଣ୍ଡର ମିଳୁଥିଲା ।