ସ୍ତ୍ରୀକୁ ହାଣିଲା ସ୍ଵାମୀ । ଦିନେ ସାତ ଜନମକୁ ସାଥି କରିବ ବୋଲି କଥା ଦେଇଥିଲା ହେଲେ ଆଜି ସ୍ଵାମୀ ସାଜିଲା ସଇତାନ । ଆଉ ନେଲା ସ୍ତ୍ରୀର ଜୀବନ । ଏଭଳି ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲା ପୁରୁଣା କଟକ ଥାନା ଗଣ୍ଡା ପାଜୁ ଗାଁରେ। ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କୁ ଟାଙ୍ଗିଆରେ ହାଣି ହତ୍ୟା କରିଥିବା ଅଭିଯୋଗ ହୋଇଛି। ମୃତକଙ୍କ ନାଁ ଦୁଲ୍ଲଭା ନାଏକ ହୋଇଥିବା ବେଳେ ଅଭିଯୁକ୍ତଙ୍କ ନାଁ କିଶୋରୀ ନାଏକ ବୋଲି ଜଣା ପଡିଛି । ତେବେ ଅଭିଯୁକ୍ତ ଘଟଣା ପରେ ଫେରାର ହୋଇଯାଇଥିବା ସୂଚନା ରହିଛି।
ତେବେ ସୂଚନା ଅନୁଯାୟୀ ଆଜି ସକାଳୁ କିଶୋରୀ ନାଏକ ଓ ତାଙ୍କ ସ୍ତ୍ରୀ ଦୁଲ୍ଲଭା ନାଏକଙ୍କ ମଧ୍ୟରେ କୌଣସି କଥାକୁ ନେଇ ଝଗଡ଼ା ହୋଇଥିଲା। ଏହି ପାରିବାରିକ କଳହର କରୁଣ ପରିଣତି ନେଇଥିଲା ଉଗ୍ରରୂପ । କିଶୋରୀ ରାଗିଯାଇ ଟାଙ୍ଗିଆରେ ପତ୍ନୀଙ୍କୁ ଆକ୍ରମଣ କରିଥିଲେ । ଆଉ ଘଟଣାସ୍ଥଳରେ ହିନ ସ୍ତ୍ରୀ ଦୁଲ୍ଲଭାଙ୍କ ମୃତ୍ୟୁ ଘଟିଥିଲା।
ଏହି ଘଟଣା ପରେ ଗ୍ରାମବାସୀ ପୁଲିସକୁ ଖବର ଦେବା ସହିତ କିଶୋରୀଙ୍କୁ କାବୁ କରିବାକୁ ପ୍ରୟାସ କରିଥିଲେ। କିନ୍ତୁ କିଶୋରୀ ଟାଙ୍ଗିଆ ଧରି ଆତଙ୍କ ଖେଳାଇ ସେଠାରୁ ଫେରାର ହୋଇଯାଇଥିଲା।ପୋଲିସ ଘଟଣାର ତଦନ୍ତ ଜାରି ରଖିଛି।
